John of St Thomas on universal and peaceful acceptance of a papal claimant (Latin)
Accompanying our three-part translation of John of St Thomas on the universal and peaceful acceptance as a definitive sign of legitimacy for a papal claimant, here is the full Latin original.
Editors’ Notes
In the process of preparing an exclusive translation of this text in English, we also spent some time cleaning up an OCR text of the Latin original.
As mentioned before, we are publishing the English translation in three parts. But there seems to be no reason to let the Latin text go to waste. For that reason, here it is.
John of St Thomas
Tractatus de Auctoritate Sumi Pontificis,
Disputatio II, Articulus II, pp 228-264
Cursus Theologicus – Tomus Septimus in Secundam Secundae
Ludovicus Vives, Parisiis, 1886.
Disputatio II: De His Quae potest ecclesia in personam papae, ut de electione depositione et certitudine personae electae.
Utrum facta legitima electione pontificis de fide per se primo, vel per se secundo hanc personam in particulari, verbi gratia Innocentium X, esse papam?
I. Quaestio haec valde celebris facta est his temporibus, variisque argumentis agitata, nam de ea apud veteres pauca reperiuntur in terminis quibus modo disputatur: antequam vero ea quae difficultatem in hac parte faciunt proponamus, explicandi sunt duo termini, qui in titulo proponuntur aut supponuntur. Primus est ly fact legitima electione; secundus ly de fide per se primo, aut per se secundo.
Et quoad primum supponimus posse dari electionem pontificis non legitimam, sed dubiam aut vitiosam, non solum si fiat a non legitimis electoribus, id est, a personis, quibus jus eligendi datum non est ab Ecclesia, vel pontifice ; nam tunc non est dubium electionem non esse, sed violentam extorsionem ; sed etiamsi a legitimis electoribus fiat, id est, a cardinalibus, quibus haec potestas nunc in Ecclesia commissa est.
In quo tamen nonnulla difficultas esse potest, an electio celebrata a cardinalibus possit vitiari, nam in primis ex parte eligentium vitiari non potest, quia cardinales nulla censura impediri possunt a jure eligendi. Hoc enim est singulare privilegium electionis summi pontificis, ut expresse habetur in clementina Ne Romani § Ceterum de electione, ubi decernitur nullum cardinalium praetextu excommunicationis vel censurae posse ab electione illa repelli, quod factum est ut evitarentur schismata et incertitudo electionis, a qua pendet totius Ecclesiae directio et gubernatio, unde hoc ipso quod cardinales intersunt electioni, invalidari non potest ex parte eligentium : deinde neque ex parte ipsius electionis vitiari potest aut dubia reddi propter assistentiam Spiritus Sancti in illa electione facienda ; hanc enim dari multi probabiliter existimant, et praesertim comprobatur ex testimonio quodam Sixti V, in constitutione L, ubi agit de cardinalibus, et inter alia inquit:
"Quod in illa sacra electione censendi sunt veri interpretes, atque internuntii voluntatis divinae, cujus Spiritu sicut universum Ecclesiae corpus sanctificatur et regitur, ita maxime hoc totum ejusmodi electionis opus ejusdem afflatu et instinctu absolvi certissimum est, atque omnibus exploratum."
Ubi pontifex aliquam peculiarem assistentiam Spiritus Sancti tribuit electioni illi, quae non tribuitur aliis operibus seu actionibus communibus, comparatur enim haec assistentia illi qua corpus Ecclesiae regitur et sanctificatur a Spiritu, sed ex hac assistentia constat Ecclesiam errare non posse; ergo ex eadem tenere debemus electionem a cardinalibus factam errare non posse aut invalidam reddi, alias in illa non habet specialem assistentiam si aliquando errat et deficit, aliquando non, id enim in quacumque alia actione invenitur.
II. Nihilominus dicendum est posse multis de causis electionem reddi vitiosam aut dubiam, quantumque a legitimis electoribus fiat, idque tum ex parte ipsius electionis, tum ex parte personae electae juxta defectus quos ipsa jura assignant, ex parte quidem electionis, ut fiat per metum cadentem in constantem virum, electio illa est nulla, ut determinatur sessione XXXIX Concilii Constantiensis : et similiter, si non servetur forma quae ponitur in capite Ubi periculum de electione in sexto, ut scilicet a duabus partibus cardinalium sit electus; similiter si per simoniam eligatur, electio est nulla, ut habetur in constitutione Julii II, quae incipit: Cum tam divino, anno 1505. Potest etiam contra personam electam opponi exceptio haeresis, ut si sit haereticus manifestus, qui eligitur, non est habendus pro pontifice, ut constat ex eadem constitutione Julii II, et similiter aliae exceptiones juris naturalis admitti possunt, ut si non esset vir, si esset judicio privatus, etc. Alia vero quae olim opponi poterant contra electionem pontificis, ut quod esset facta per violentiam, fraudem aut ambitionem juxta caput In nomine distinctione XXIII, opponi non possunt modo contra electum a duabus partibus cardinalium, quia contra ipsum nulla exceptio hujusmodi admittitur, juxta caput Ubi periculum citato, exceptis his quae ex constitutione Julii II aut jure naturali incapacitatis possunt opponi. Denique Concilium Constantiense determinat quod judicare de electione dubia ad ipsum concilium spectat; ergo supponit posse dari electionem dubiam aut vitiosam de qua judicare possit.
This is a post for members who choose to support us with a monthly or annual subscription.
Our work takes a lot of time and energy. Please consider subscribing if you like it.
We make members-only material freely available to clergy, priests and seminarians upon request. Please subscribe and reply to the email if this applies to you.
You might also want to take a look at this:
